2019 წლის აპრილში Farm Cultural Park (FARM) ნანა ზაალიშვილი თავის რეზიდენციაში მიიწვია სიცილიაში. რეზიდენციაში ყოფნისას პირველად დამუშავდა ავეჯის კოლექცია ელემენტის კონცეფცია. ერთთვიანი მუშაობის შედეგად, Farm Cultural Park-ის საგამოფენო სივრცეში გამოიფინა ადგილობრივ სახელოსნოებში დამზადებული კოლექცია ელემენტის ნაწილი: ხის კომპლექსური მერხი, ხის მცირე მერხი და ორი სკამი შესრულებული ტრავერტინის ქვაში.

გამოფენა ინსპირირებული იყო და მიეძღვნა არქიტექტორ გიორგი ჩახავას მიერ შექმნილ და 1981 წელს დაპატენტებულ გამოგონებას: სამშენებლო ელემენტი. ექსპოზიციაზე  წარმოდგენილი იყო ფოტოები ჩახავას პირადი არქივიდან და ასახავდა მის ნაყოფიერ მოღვაწეობას „რკინის ფარდის“ მიღმა.