მოდულარული ფორმები ადამიანური მასშტაბის მშენებლობის შესასწავლად

პროექტი ‘აგური’ 2018 წელს დაიწყო, როგორც ექსპერიმენტული მიდგომა ადამიანური მასშტაბის მოდულარული მშენებლობისა, ორი ხის “აგურის” გამოყენებით. იდააფ არქიტექტორების მიერ შემუშავებული ეს სკულპტურული ელემენტები დიზაინის კვლევის შედეგად შეიქმნა, რომელიც იკვლევდა, როგორ შეიძლება ერთი ფორმა მოქნილი სტრუქტურების აწყობის საშუალებას იძლეოდეს – პავილიონებიდან საცხოვრებლამდე – მექანიკური დამჭერების გარეშე.

პროექტის ძირითადი კონცეფცია მოიცავს გადამუშავებული ხისგან დამზადებულ მოდულურ ერთეულს, რომელიც ორი ძირითადი ფორმატითაა განვითარებული: 30×30×45 სმ და 60×30×45 სმ. მარტივად მოსახმარი და ადაპტირებადი, ეს სისტემა ხელს უწყობს ინტუიციურ და მონაწილეობრივ ჩართულობას მშენებლობის პროცესში. რაც დაიწყო, როგორც მდგრადი მშენებლობის მეთოდების სპეკულაციური კვლევა, თანდათან გადაიქცა უფრო ფართო დიზაინ პროექტად, რომელიც აერთიანებს არქიტექტურულ ინოვაციას ვერნაკულარულ მეხსიერებასთან.

დროთა განმავლობაში, “აგურის” მოდულები არქიტექტურული გამოყენების ფარგლებს გასცდა. ისინი საკოლექციო ავეჯისა და სკულპტურული დიზაინის ობიექტებად იქცა. ავეჯი მზადდება ადგილობრივად მოპოვებულ მასალებში – მათ შორის, ალიზი, ქვა, ალუმინი და სხვადასხვა ქართული ხე – იმავე მოდულარობის, ნედლი მასალის და ბუნებრივი ტექსტურების შენარჩუნებით. თითოეული ნივთი დაფუძნებულია მასალის თვისობრივ გამოხატვაზე, რაც სტანდარტიზებული მშენებლობისა და დიზაინის სისტემების პოეტურ ალტერნატივას სთავაზობს.

ამჟამად პროექტი ‘აგური’ გრძელდება როგორცსაზოგადოებაზე ორიენტირებული მშენებლობის სტრატეგიების კვლევა და აერთიანებს თანამედროვე ესთეტიკას ტრადიციულ ხელოსნობასთან.

აგურის კოლექცია – კოლექციური ავეჯი, რომელიც იკვლევს მასალებს, ფორმასა და ხელოსნობას

ალიზის აგურები IAS და IAM

აგური IAM

მასალა: ყვითელი მიწა, თივა, ყვითელი ქვიშა

ზომა: L48xW24xH12 სმ
წონა: 12.6 კგ

აგური IAS

მასალა: მწვანე მიწა, თივა, შავი ქვიშა
ზომა: L24xW24xH12 cm
წონა: 7 კგ

რა მოხდება, თუ ჩვენი შენობები იმ მიწიდან ამოიზრდება, რომელზეც ვდგავართ

ან
თუ წინაპრების უძველესი ცოდნა მდგრადი მომავლის საფუძველი გახდება?

სამშენებლო ინდუსტრიის სწაფი ტემპებით ზრდამ და თანმდევმა პროცესებმა ნათლად დაგვანახა ის ხარვეზები, რაც ამ სფეროს აქვს. მასალების სწრაფმა და არაეკოლოგიურმა წარმოებამ დააჩქარა გლობალური დათბობა და ცხადია, საქართველოს წილი ამ პროცესებში ისევე მნიშვნელოვანია, როგორც სხვა ქვეყნების.

აგურები IAS და IAM მსოფლიოსა და საქართველოში შექმნილი არამდგრადი სამშენებლო გარემოს გაუმჯობესების იდეით შეიქმნა. ეს ორი უნივერსალური ფორმა ადვილად თავსდება ერთმანეთში, არ საჭიროებს სამაგრებს ან შემავსებელს და მარტივად აშენების საშუალებას იძლევა, ამავდროულად, მისი მოდულარული ფორმების გამო ადვილად შენდება გარე ორმაგი და შიდა სატიხრე ერთმაგი კედლები, სადაც მარტივია საფანჯრე და საკარე ღიობების მოწყობა.

სამშენებლო აგურები IAS და IAM არის ალიზი, ანუ გამოუწვავი, მზეზე გამომშრალი აგურები, რომლებიც მზადდება ყალიბებში მიწის და წყლის არევით და სიმტკიცისთვის დამატებული აქვს ქვიშა და ხორბლის ნამჯა. მისი ფერები ბუნებრივია და საქართველოს რეგიონებიდან მოპოვებული მიწებითაა მიღებული. მათი პირველი პროტოტიპები დამზადდა ვორქშოფი: ალიზი – კვლევა, ახალი დიზაინი და სამშენებლოდ გამოყენების პერსპექტივები -ის ფარგლებში, რომელიც იდააფ არქიტექტორების ორგანიზებით 2022 წლის ზაფხულში განხორციელდა. 

IAS და IAM ფუნქციაა მასიურად წარმოებულ სამშენებლო მასალებში შეიტანოს ახალი არტიზანული ესთეტიკა, მაღალი ხარისხი და ხელმისაწვდომი გახდეს  უკეთესი საცხოვრებლის შესაძლებლობა. IA ალიზის აგურები თანამედროვე არქიტექტურასა და მშენებლობაში არსებული გამოწვევების საპასუხოდ და არამდგრადი სამშენებლო გარემოს გაუმჯობესების იდეით იქმნება. ის ერთგვარი მანიფესტია იმ სამშენებელო მასალების მიმართ, რომელთა არაეკოლოგიური წარმოების გამოC მსოფლიო გლობალური დათბობისა და ამით გამოწვეული კატასტროფების წინაშე დადგა.

მიმდინარე პროცესი

ამჟამად იდააფ არქიტექტორებში ვმუშაობთ IA აგურების სერტიფიცირებულ, პრაქტიკულ სამშენებლო მასალად გარდაქმნაზე. ჩვენი მიზანია შევქმნათ ცემენტის ბლოკების ჯანსაღი ალტერნატივა. ამჟამად აგურებს ვამოწმებთ მცირე ზომის პავილიონურ სტრუქტურებში სახურავის სისტემებით, რათა შევისწავლოთ, თუ როგორ მუშაობენ ისინი სიმძიმისა და სხვადასხვაგვარი ამინდის პირობებში. ტრადიციული მეთოდების და თანამედროვე ინოვაციების შერწყმით, ჩვენი მიზანია ეს ეკოლოგიურად სუფთა მასალა ყოველდღიურ გამოყენებაში დავაბრუნოთ.

ინსტალაციები ‘ალიზი’

ალიზი [Adobe] ქართულად ნიშნავს მზეზე გამომშრალ მიწის აგურს , რომელიც ერთ-ერთი უძველეს და ყველაზე მდგრადი სამშენებლო მასალაა მსოფლიოში. იგი მზადდება მიწის, წყლის, ქვიშისა და ორგანული ბოჭკოების, როგორიცაა თივა ან ჩალა, ნაზავისგან. ალიზის წარმოებისთვის ნაზავი ფორმებში ჩამოსხმულია და მზეზე გაშრობას რამდენიმე კვირა სჭირდება. მასალა უზრუნველყოფს შესანიშნავ თბოიზოლაციას და ცეცხლგამძლეობას, რაც მდგრადი მშენებლობის მეთოდს წარმოადგენს და ღრმად არის ფესვგადგმული ქართულ არქიტექტურულ ტრადიციაში. მიუხედავად იმისა, რომ მისი წარმოება ფიზიკურ შრომასა და ხელსაყრელ ამინდს მოითხოვს, პროცესი კვლავ დაბალფასიანი და ეკოლოგიურად გამართლებულია. მზეზე გამომშრალი იდააფის IAS  და IAM აგურებით რამდენიმე ინსტალაცია უკვე მოეწყო მსოფლიოს სხვადასხვა წერტილში და მომავალშიც იგეგმება.