სამლოცველო რუანდაში

მდებარეობა: რუკომო, რუანდა

ნაკვეთის ფართობი: 750 კვ.მ

შენობის ფართობი: 50 კვ.მ

წელი: 2019

სტატუსი: კონკურსი YAC

მონუმენტი ლანდშაფტიდანაა ამოზრდილი და რუკომოს მომაჯადოებელ ხედებს გადაჰყურებს.  სამლოცველო ერთგვარი ჭურჭელია - წვიმის სეზონზე თასის ფორმის სახურავში დაგროვილი წყალი ცას მთელი თავისი დიდებულებით ირეკლავს, ხოლო მშრალ სეზონზე, შორიდან ადვილად შესამჩნევი მკვეთრი ფერის წერტილია და უსასრულობის განცდას ქმნის.

გორაკებს შორის გაჭრილი გრძელი ბილიკი პილიგრიმებს სალოცავისაკენ მიუძღვება. გზას ორივე მხრიდან ხეები აკრავს, რაც სიმშვიდისა და სიწყნარის განცდას ქმნის და სალოცავად მოსულებს წმინდა ადგილთან შესახვედრად ამზადებს.