მასალა: კაკალი, ალუმინი
ზომები: L30xW30xH140 სმ
ტექსტურირებული ალუმინისგან და მასიური კაკლისგან დამზადებული ეს შანდალი მინიმალისტური და ექსპრესიული დიზაინის გამომხატველია და ხაზს უსვამს ხის ორგანულ, მდიდარ ტექსტურებს.
მზადება მოქანდაკის მიერ საქართველოს რეგიონებიდან მოპოვებული კაკლის ხის მოთვინიერებით იწყება. ხის დამუშავების ტრადიციული ტექნიკის გამოყენებით, მორები საგულდაგულოდ ფორმდება სტრუქტურულ, ურთიერთდაკავშირებულ კომპოზიციად, რომელიც ინარჩუნებს მასალის ორგანულ ნაკლოვანებებს და უხეშ ტექსტურებს. ‘BRICK’ იატაკის შანდალი სკულპტურული განათებაა, რომელიც ორგანულად ერწყმის ინტერიერებს და მათში რიტუალური სიმშვიდის განცდა შემოაქვს.
სანთლისთვის განკუთვნილი ალუმინის გრძივი ვერტიკალი გადადნობის მეთოდით მზადდება და იმეორებს ჩამომდნარი ცვილის ტექსტურებს. ადგილობრივი მასალებისა და დამზადების ტრადიციული მეთოდების კომბინაცია ნივთის ისტორიულ და კულტურულ სიღრმეს კიდევ უფრო აძლიერებს.
„BRICK” იდააფ არქიტექტორების მიერ ახალი სამშენებლო მასალის შექმნის პირველი მცდელობაა. სანამ ტექსტურების შერჩევა საწყის ეტაპზეა და მიმდინარეობს კვლევის პროცესი, მისი ფორმა ინტერიერისთვის სხვადასხვა ფუნქციის დეკორატიული ელემენტის შესაქმნელად გამოვიყენეთ.
ფოტოგრაფი: იკა ხარგელია
